Woh Kehti Suno Jana, Mohabbat Mom Ka Ghar Hai 

Taapise Badgumani Ki, Kahin Pighla Na Dey Is Ko 

Mein Kehta Houn Key Jis Dil Mein, Zara Bhi Badgumani Ho 

Wahan Kuch Aur Ho Too Ho, Mohabbat Ho Nahi Sakti 

Woh Kehti Hai Sada Aysey, Hi Kiya Tum Mujh Ko Caho Ge 

Key Mein Is Mein Kami Bilkul, Gawara Kar Nahi Sakti 

Mein Kehta Hu Mohabbat Kiya Hai, Yeh Tum Ne Sikhaya Hai 

Mujhe Tumsey Mohabbat Key, Siwa Kuch Bhi Nahi Aata 

Woh Kehti Hai Judaai Sey, Bahut Darta Hai Mera Dil 

Ki Khud Ko Tum Sey Hat Ker Dekhna, Mumkin Nahi Hai Ab 

Mein Kehta Hu Yehi lafz , MujhKo bhi Satate Hain 

Mager Sach Hai Mohabbat Mein, Judaai Saath Calti Hai 

Woh Kehti Hai Batao Kya, Mere Bin Ji Sako Ge Tum 

Meri Batein Meri Yadein,Meri Ankhein Bhula Do Ge 

Mein Kahta hu kabhi is baat,par socha nahi maine 

Ager Ik Pal Ko Bhi Sochoun, to saans thamne lagti hai 

Woh Kehti Hai Tumhein Mujhse,Mohabbat Is Qader Kyun Hai 

KiMein Ik Aam Si Ladki,Tumhey Kyun Khas Lagti Houn 

Mein Kehta Hu kabhi Khud Ko,Meri Aakho Sey Tum Dekho 

Meri Dewangi Kyun Hai,Yeh Khud Hi Jan Jao Gi 

Woh Kehti Hai Mujhey itni,vafa se Dekhtey Kyun Ho 

Key Mein Khud Ko Bahut Hi Kimti,Mehsoos Kerti Houn 

Mein Kehta Hu Mitti bhi Bohut Anmol Hoti Hai 

Tumhey Jab Dekhta Houn,Zindagi Mehsoos hoti hai 

Woh Kehti Hai Mujhey iljam Key Jugno Nahi Miltey 

Tumhey Batla Sakoun Dil Mein Meray,Kitni Mohabbat Hai 

Mein Kehta Houn Mohabbat To,Nigahoun Sey Chalakti Hai 

Tukhari Khamoshi Mujhsey,Tumhari Baat Karti Hai 

Woh Kehti Hai Batao Na,Kissey Khoney Sey Dertey Ho 

Bataona Kon Hai Woh,jise mausam Bulatey Hain 

Mein Kehta Houn Yeh Meri Shayri Hai,Ayna Dil Ka 

Zara Dekho Batao Kya tmhein Is Mein Nazer Aya 

Woh Kehti Hai Key Suniye Ji,Bohot Batein Banatey Ho 

Megar Sach Hai Key Batein Bohot kuch,yaad Rakhtein Hain 

Mein Kehta Houn Yeh Sab Batein,Fasana Ik Bahana Hai 

Key Pal Kuch Zindagani Key,Tumharey Saath Kat Jay 

Phir Us Key Baad Khamoshi,Ka Dilkash Raks Hota Hai 

Nigahein Bolein Hain Aur,Lab Khamosh Rehtey Hain